better banking

Gagana Sāmoa

O faafaigatā ona fo‘ia ou faafitauli ma lau faletupe?

Matou te fesoasoani i tagata ma a latou faletupe i le fo‘iaina o faaseā.

Faatuatuaina i matou ina ia matou faia le mea tonu

 

O le a le Polokalame o Sulufaiga mo Mataupu Tau Faletupe?

O i matou o se vaega e lē totogia ma e tutoatasi a matou auaunaga i le fofoina o faafitauli ma e mafai ona matou fesoasoani atu ia te oe i le fo‘iaina o ou faafitauli ua lē mafai ona fofoina ma lau faletupe.

 

O le itu a ai o lo o matou i ai?

O le Polokalame o Sulufaiga mo Mataupu Tau Faletupe e le faaituau.  O lona uiga matou te lē galulue mo na o tagata taitoatasi po o faletupe, matou te le au foi i se itu se tasi.  Matou te le polomisi atu foi o tagata uma e faaseā mai ia i matou o le a faamaliena i le tali latou te mananao ai ae o le a matou toe tilofa‘ia lenei mataupu.  O lona uiga o le a matou faalogo atu i lau mataupu, iloiloina mea moni ma tuuina atu se tali talafeagai.

 

O ai e mafai ona ia faaaogāina lenei suesuega?

E so o se tasi lava e mafai ona ia faaaogāinaina le Polokalame o Sulufaiga mo Mataupu Tau Faletupe pau lava le mea ia auai atu lau faletupe i lea polokalame.  O pisinisi, faalapotopotoga (trusts), soa faapisinisi ma kalapu e mafai foi ona latou faaaogāina i matou e faapea foi tagata taitoatasi.

 

O ai e auai mai ia i matou?

O Vaega e auai mai e aofia ai faletupe, o sosaiete fau fale, o iuni e faia noga tupe, ma kamupani tau tupe.  E aofia ai foi e o fai ma sui taitoatasi ma kamupani e auai atu i ai.  O sui auai autu o lo o lisiina i le pito i tua o lenei faasalalauga ma la matou upega tafailagi o le www.bankomb.org.nz

 

E faapefea ona faailoa mai lau faaseā ia i matou?

E mafai ona faailoa mai lau faaseā i la matou upega tafailagi, po o le imeli, telefoni, pe e te tusi mai po o le Tusifofoga foi. Faailoa mai i a i matou le uiga o lau faaseā ma:

  • po o le a sou manatu o le ā se mea sese ua fai e lau faletupe
  • pe ua faapefea ona aafia ai oe i tulaga tau tupe ma ni si auala
  • po o a ni mea e te manao i lau faletupe e fai i ai.

Afai e te lē mautinoa pe mafai ona matou fesoasoani atu, e mafai ona e valaau mai i le 0800 805 950 e faatalanoa lou tulaga.

O la matou upega tafailagi foi o lo o i ai faamatalaga e fesoasoani ina ia fo‘ia ni feeseeseaiga ma lau faletupe, ma faamatalaga pe na faapefea ona matou fofoina ni faafitauli tutusa i le taimi ua tea.

 

O le a le mea e tupu pe a fai e tuuina mai lau faaseā ia i matou?

Afai e te le i faiaina muamua, e muamua ona matou fesoasoani atu ia te oe i le faiaina o lau faaseā i lau faletupe ina ia mafai ona latou fo‘iaina.  O le tele o faaseā e fofoina i lea taimi.  Ae a leai, o le a matou faia ni suesuega tutoatasi agai i le mataupu ma o le a faatalanoaina foi ma oe ma lau faletupe ma vaai pe o le a fesoasoani i le fofoina o nei mea.  Afai ae lē aogā o le a matou:

  • tuu faatasia oe ma lau faletupe, e ala atu i le telefoni po o le asiasi atu foi, ina ia taumafai ona maua se iuga e ala atu i le faaleleia po o le
  • saunia o se lipoti aloaia ma fautuaina sona faaiuga.  E tatau ona taliaina e le faletupe le faaiuga a le Polokalame o Sulufaiga mo Mataupu Tau Faletupe, ae e faitalia oe i lou taliaina ma lou teteeina.

Afai e lē mafai e le Polokalame o Sulufaiga mo Mataupu Tau Faletupe ona tauaveina lau faaseā, o le a matou logoina atu oe i le mafuaaga.

 

O le ā le mea e tupu pe a fai ua faamanuiaina oe?

O le Polokalame o Sulufaiga mo Mataupu Tau Faletupe e mafai ona latou tuuina atu se faailoga tupe e oo atu i le $200,000 e totogiina ai ni mea ua lē maua ma e oo atu foi i le $9,000 mo ni tulaga ua lē tusa ai e faamamafa ai le tuga, le faamāina po o ni faalavelave i fuafuaga tau tupe.

E mafai foi ona matou fautuaina lau faletupe ina ia aua ne‘i o latou taumafai e tulituli pea oe e toe totogi atoa pe totogi se vaega o sau aitālafu ua o‘o atu i le $200,000 le limiti, pe afai lea ua matou mautinoa lelei ua matuā e mafatia ai i lenei faaletonu.

E lē gata i le sailia o se totogi tau tupe, e ono mafai foi ona matou fesoasoani e saili ni si auala e fofoina ai feeseeseaiga e pei o se faatoesega, aveeseina mai o le aitalafu mai faalapotopotoga e aoina aitalafu ma faaitiitia le aitalafu.

O faaseā foi e mafai ona iu ai i ni faaleleiga ma suiga i galuega i faletupe.

 

O a ituaiga faaseā e mafai ona matou tilofa‘ia

E mafai ona matou iloiloina faaseā agai i ituaiga teuga tupe uma ma auaunaga tau tupe, e aofia ai:

  • nonōgatupetupe
  • suiga o tupe mai fafo
  • teuga tupe ma tupe inivesi
  • auaunaga tau faletupe e faaaogā ai le initaneti ma telefoni ma masini feaveai
  • inisiua
  • supa
  • card faaaitalafu, card mo tupeteu, cards mo tupe ua uma ona totogi, ma cards tau femalagaiga
  • peimeni
  • siaki

O le mea taulia lava o le pau tonu o le faaseā i totonu o a matou aiaiga o le a matou tilofa‘ia.  E le faapea o le a vave ai loa ona matou manatu o lo o talafeagai lau faaseā.  E manaomia lo matou malamalama lelei i le mataupu a o le i faia so matou manatu.

 

O a ituaiga faaseā e lē mafai ona matou faia?

E le mafai ona matou iloiloina ni faaseā:

  • agai i faaiuga faapisinisi, e pei o le faapea po o sauni lau faletupe e nonō atu se tupe ia te oe
  • agai i aiaiga faavae o tupe tului po o le tulaga o le totogi ma pili masani
  • e uiga i se mataupu na tupu i le sili ma le ono tausaga ua tea, se i vagana o se mea  sa e le i iloaina vave
  • i se mea ua mae‘a ona e faia se maliliega ma lau faletupe.

E le mafai foi ona matou tuuina atu ni faufautua faaletulafono po o ni tulafono aga‘i i le ‘auga o le tulafono

 

O ē auai i le Polokalame o Sulufaiga mo Mataupu Tau Faletupe

O le Auaunaga a le Komesina o Sulufaiga mo Mataupu tau Faletupe o lo‘o aofia uma ai faletupe teutupe autu i Niu Sila atoa ai ma le tele o a latou lālā ma kamupanī o lo‘o latou galulue vavalalata. O lo‘o aofia ai fo‘i se sosaiete faufale ma se uni aitalafu.  Taga‘i i le matou upega tafa‘ilagi mo le lisi atoa o a matou lālā ma pisinisi, pe fa‘afeso‘ota‘i mai matou i le imeli po‘o le telefoni.

 

E faapefea ona faafesootai mai matou

Telefoni lē totogia 0800 805 950
Telefoni 04 915 0400
Imeli help@bankomb.org.nz
Upega tafailagi www.bankomb.org.nz
Tusifofoga www.facebook.com/bankombnz
   
Lafo mai i Le Meli Freepost 218002
  The Banking Ombudsman Scheme
PO Box 25 327
Featherston Street
Wellington 6146

 

O lenei faamatalaga o lo o mauaina i le fa‘a-Peretania, Maoli, Kolea, gagana faigofie fa‘a-Saina, ma le gagana e masani ai fa‘a-Saina ma le fa‘a-Samoa.

Lesitala mai loa i la matou lomiga o Tusitupe o le Taimi nei – mulimuli i le sootaga (link) i la matou upega tafailagi i le itulau muamua.